पालघर लोकसभेकरीता भूमिपुत्र बचाव आंदोलन तर्फे दत्ताराम करबट यांची उमेदवारी जाहीर

  •  

क्रांतीचा लाल झेंडा गुंडाळून विचारधारेला खुंटीवर टांगून सीपीएमने बाहूशक्तीच्या जोरावर केवळ भुमी बळकावून काॅंक्रीटीकरणालाच विकास मानणा-या बहुजन विकास आघाडीबरोबर अभद्र आघाडी केल्याचा आरोप

   शेती, पाणी, रोजगार, वनाधिकार, मासेमारी तसेच नागरी समस्यांवर लोकप्रतिनिधींनी ठोस भुमिका घेणे, त्याबाबत लोकसभेत आवाज उठवून काम करवून घेणे आवश्यक आहे. ते त्यांचे कर्तव्यच आहे. परंतु केवळ सत्ता आणि आर्थिक हितसंबंध जपण्यासाठी जनतेच्या प्रश्नांना डावलून प्रत्यक्ष-अप्रत्यक्षपणे विनाशकारी प्रकल्प लादण्याचे काम राज्यकर्त्यांकडून, विधानसभा, लोकसभेतील लोक प्रतिनिधींकडून होताना दिसते. मुल्यहिन, संधीसाधू सत्ताकारणाने आता किळसवाणे रुप धारण केले आहे. एकीकडे क्रांतीचा लाल झेंडा गुंडाळून विचारधारेला खुंटीवर टांगून सीपीएमने  बाहूशक्तीच्या जोरावर केवळ भुमी बळकावून काॅंक्रीटीकरणालाच विकास मानणा-या बहुजन विकास आघाडीबरोबर  अभद्र आघाडी केल्याचा आरोप आंदोलनाने केला आहे. दुसरीकडे गेली ५ वर्षे केंद्रात आणि राज्यात सत्तेत राहून आपसात भांडत राहण्याचे नाटक करत विनाशकारी प्रकल्प लादत,  सर्व सामान्य जनतेला देशोधडीला लावत जनतेला अच्छे दिन च्या आशेवर झूलवत ठेवणारी युती आता एकाच वर्षात अनेक पक्षांत उडी मारण्याचा पराक्रम करणा-या राजेंद्र गावीत या उमेदवाराला घेवून पुन्हा एकदा मतदाराला फसवण्यासाठी सज्ज झाली असल्याने या सर्वांना नाकारत  गेली अनेक दशके मा. काळूराम काकांच्या खांद्याला खांदा लावून जनतेच्या प्रश्नांवर सतत संघर्ष करणारे पालघरचे भुमिपुत्र दत्ताराम करबट  यांच्या रुपाने जनतेचा बुलंद आवाज लोकसभेत पाठवण्याचे आवाहन काळूराम का. धोदडे  दत्ताराम करबट ,शशी सोनवणे ,संतोष पावडे ,समीर वर्तक यांनी केले  आहे. 


पालघर जिल्हायावर अनेक संकटे येत आहेत. इथल्या जनता मुलभूत सुविधापासून अजूनही वंचित आहे.   त्यातच विकासाच्या नावाखाली अनेक विनाशकारी प्रकल्प योजना लादले जात असल्यामुळे इथले पर्यावरण, इथला आदिवासी, मच्छिमार, शेतकरी, गावकरी, शहरी भूमिपुत्र यांच्यावर विपरीत परिणाम होत असून सागरी, डोंगरी, शहरी भागांचा अनुसुचित क्षेत्र बहुल नवीनच निर्माण झालेला पालघर जिल्हा अापली आेळख हरवून बसतो की काय असा प्रश्न निर्माण झाला आहे. म्हणूनच गेल्या काही वर्षापासून सर्वसामान्य जनता पर्यावरणाच्या, अस्तीत्वाच्या प्रश्नांवर आक्रमक होऊन संघर्ष करत आहे. भुमिपुत्र बचाव आंदोलनाच्या माध्यमातून  काळूराम काका धोदडे यांच्या नेतृत्वात बुलेट ट्रेन, एक्सप्रेसवे, मुंबर्इ महानगर क्षेत्र विकास प्राधिकरण (MMRDA) प्रारुप विकास आराखडा, वाढवण बंदर, किनारपट्टी क्षेत्र व्यसस्थापन प्रारुप आराखडा (CZMP), CRZ मधील बदल, सागरी महामार्ग, शिपींग काॅरीडोर, वसर्इ नवघर – अलिबाग मल्टीमाॅडल काॅरीडोर इ. प्रश्नांवर सातत्याने यशस्वीपणे लढा सुरू  ठेवलाआहे. 
  •  

Leave a Reply

%d bloggers like this: