सरकारविरोधी टीका केली म्हणून अमोल पालेकर यांचे भाषण थांबविले.

  •  

नयनतारा सहगल यांना यवतमाळ येथे भरलेल्या अखिल भारतीय साहित्य संमेलनाच्या उदघाटन कार्यक्रमाचे निमंत्रण देऊन ते रद्द करण्याच्या घटनेनंतर अभिव्यक्ती स्वातंत्र्यावरील हल्ल्याची ही मोठी घटना आहे. ह्या घटनेचा सर्व स्तरातून निषेध होतो आहे.

  •  
  •  

‘नॅशनल गॅलरी ऑफ मॉडर्न आर्ट’ मुंबई येथे घडला हा प्रकार

By Aasantosh Team

सरकारवर टीका केल्याच्या कारणामुळे ज्येष्ठ अभिनेते अमोल पालेकर यांना आपले भाषण अर्ध्यातच थांबवावं लागल्याची धक्कादायक घटना शनिवारी दि.९ फेब्रुवारी रोजी घडल्याची माहिती समोर आली आहे. आपल्या भाषणादरम्यान पालेकर यांनी केंद्रीय संस्कृती मंत्रालयाच्या एक निर्णयाविरोधात टीकास्त्र सोडण्यास सुरुवात केली, त्यावेळेस कार्यक्रमाच्या मॉडरेटरनं त्यांना आपले मत मांडण्यापासून रोखले.

शनिवारी अमोल पालेकर ‘नॅशनल गॅलरी ऑफ मॉडर्न आर्ट’द्वारे आयोजित कार्यक्रमास संबोधित करत होते. सुप्रसिद्ध कलाकार प्रभाकर बर्वे यांच्या आठवणींना उजाळा देण्यासाठी या कार्यक्रमाचे आयोजन करण्यात आले होते.आर्ट गॅलरीने वर्तमान काळात स्वतःचे स्वातंत्र्य गमविले असल्याबाबतची टीका त्यांच्या भाषणात होती. याशिवाय, त्यांनी आर्ट गॅलरीच्या कामकाजाबाबतही प्रश्नचिन्ह उपस्थित केले. पालेकरांच्या भाषणादरम्यान, या मॉडरेटरनं त्यांना बऱ्याचदा रोखले. इतकंच नाही तर भाषण लवकर संपवण्यासही सांगितले.

नयनतारा सहगल यांना यवतमाळ येथे भरलेल्या अखिल भारतीय साहित्य संमेलनाच्या उदघाटन कार्यक्रमाचे निमंत्रण देऊन ते रद्द करण्याच्या घटनेनंतर अभिव्यक्ती स्वातंत्र्यावरील हल्ल्याची ही मोठी घटना आहे. ह्या घटनेचा सर्व स्तरातून निषेध होतो आहे.

पहा व्हिडीओ…

———————————————————–

  •  

Leave a Reply

You may have missed

%d bloggers like this: