राफेल चे जाऊ द्या ! रशियासोबतच्या करारातही अंबानी आहेत.

  •  

दयानंद कनकदंडे
भारताच्या दौऱ्यावर आलेले रशियाचे राष्ट्रपती पुतिन आणि नरेंद्र मोदी यांच्यात ४० हजार कोटी रुपये किमतीच्या इंटि मिसाईल सिस्टीम एस-४०० च्या कराराची बोलणी अंतिम टप्यात आली आहे. विशेष बाब अशी की भारत आणि रशिया यांच्यात करारात ऑफसेट पार्टनर म्हणून रिलायन्स डिफेन्स सुद्धा सामील आहे. ही गोष्ट मोदीजी विसरले आहेत असे दिसते !

एस-४०० बनविणारी अल्माज इंन्टि ही रोसोबोरान एक्सपोर्ट ची साहाय्यक कंपनी आहे.रोसोबोरान हो रशियाच्या वतीने निर्यातक एजन्सी आहे. ही कंपनी रशिया सरकारतर्फे बोलणी करण्याचे काम करते. रिलायन्स डिफेन्स आणि अल्माज इंन्टि यामधील करार हा काही आजचा नाही तर २०१५ मध्ये प्रधानमंत्री नरेंद्र मोदी मॉस्को दौऱ्यावर असण्यादरम्यान चा आहे. अनिल अंबानी यांच्या रिलायन्स डिफेन्स ने रशियाच्या अल्माज इंटीसोबत ६ अब्ज डॉलरच्या सरंक्षण सामुग्री करारावर स्वाक्षरी केली होती. ( बातमी www.indiatoday.in)
२४ डिसेंबर २०१५ ला रिलायन्स इन्फ्रास्ट्रक्चर लिमिटेड ने आपल्या एका प्रेस नोट याबाबतचा उल्लेख केला होता.त्यात लिहिले होते की, ‘डीएसीने एस-४०० वायू सुरक्षा मिसाईल सिस्टीमच्या अधिग्रहनास मंजुरी दिली असून ६ अब्ज डॉलरच्या व्यापाराची संधी प्राप्त करून दिली आहे.तारखेकडे लक्ष दिले तर एक गोष्ट लक्षात येईल की मोदीजी २३ आणि २४ डिसेंबरला रशियाच्या अधिकृत दौऱ्यावर होते.
दुसरी विशेष बाब अशी की,अनिल अंबानी यांना १२ महत्वपूर्ण औद्योगिक परवाने एका झटक्यात दिनांक ३ डिसेंबर २०१५ ला देण्यात आले होते आणि नंतर सरंक्षण सामुग्री तयार करण्याकरिता सक्षम असल्याबाबतचे विविध २७ परवाने देण्यात आले.
अनिल अंबानी यांना आपला कारखाना लावण्यासाठी ताबडतोबीने मोदी सरकारने नागपूर येथे जमीन मिळवून दिली होती. (हिंदुस्तान टाईम्स मधील बातमी ) ज्यासबंधी अनिल अंबानी आपल्या ट्विटमध्ये धन्यवाद देताना म्हणाले.
“There will be a long journey for development of Nagpur and Vidharba region. We started on June 16, 2015 with first presentation and in less than 10 weeks we got the land. This is a record,”

राफेल कराराच्या बाबतीत हा करार डसाल्ट आणि रिलायन्सच्या मधला करार होता असे सांगून सरकार आपला बचाव करू पाहत होते. या करारात मात्र भारत सरकार व रशियन सरकार प्रत्यक्ष सामील आहे. गोदी मीडिया मात्र चूप आहे.

(लेखक ‘असंतोष’ चे मुख्य संपादक आहेत)

  •  

2 thoughts on “राफेल चे जाऊ द्या ! रशियासोबतच्या करारातही अंबानी आहेत.

Leave a Reply

You may have missed

%d bloggers like this: